Social Media a ngaihdan kup

Social Media a ngaihdan kup

Nidang in Social Media a ngaihdan kana kum sek a, ka hahpan thei mahmah sek hi. Tu chiang in bel ngaihdan i chih manpha ahih dan te phawkthak in, ngaihdan pong gengen bang pammaih ka sa ta hi. I ngaihdan pen a ngaikhe ding te'n poimoh sa khollou dinmun a va gengen pen hun le tha sengthawn sak in om hi. Ahia i ngaihdan poimohsa a hon dong a om leh bel genpih ka ut lamtak ahi zel hi.

I pawlpi makaite un i ngaihdan hon dong le hilou in Social Media a ngaihdan i pong gente uh hi belhawm thawm ging toh ka teh hi. En ngaihdan gen ekek in, himahleh a za di ten za kha tuanlou, ahih kei leh hon poimoh ngaihlou bang ahih ua leh i khuak leh tha sen bangmah lou suak lel ahi.

Makai ten public opinion poimoh sa taktak ahih ua leh consultation meeting a neih tam ua, suggestion box/idea box chih te a ngaihdan baihlamtak a suntheihna di a bawl uh poimoh ding hi. Hiai te a kipan ngaihdan hoih hong ki sung sepkhiak theihte a sep khiak ua, mipi theih dia a puan khiak uh hoih mahmah ding hi.

Ahia i gensa mah bang in makai ten mipi ngaihdan apoimoh kei ua leh ei mipi ten ngaihdan i gengen uh omzia omlou suak hi. Tua banah ngaihdan dot a i om kei leh dottaak ki hi nailou ahi chih bang le mahni ki ettthak poimoh ding hi.

Tua ahih manin kei bang in Social Media ah ngaihdan ka gen tawm hiaihiai ta a, houlimna vantang khong ahih leh thutuam in ka koih a, pawlpi ahih kei leh makaite kalsuan di dan khong bel hon dot uh ahih kei leh gen tam ka sawm nawn kei hi.

[wrote on facebook on October 26, 2017]


Print   Email