Limlang or Limlangh?

Limlang or Limlangh?

Tulai in "Limlang toh Limlangh" spelling koi pen dik zaw ding hiam chih debate muhding a om zeuhzeuh a, ken le ka ngaihdan ka hon gelh tei ahi.

Laimal tawpna a H i koih pen glottal stop or consonant sound dia ki zang ahi.
Etsakna in "bel" leh "belh" enkak leng.
"Belhtak Pathian bel ni". Bel toh H i hon behlap chiangin a aw gindan hong tuam a, a meaning leng hong tuam geih ahi.

Tua i topic uh Limlang kammal ah glottal stop or consonant sound pen G in pe khin a, consonant dang H va behlap ngai nawn tuanlou hi. Tua banah Limlang kammal banah H i va behlap in meaning kheng tuanlou a, poimohlou suak hi.

Ka na muhdan in H behlapna a tangpi Tedim Chin lam ten hahzat ua, a min khong ua leng koih uh hi. Etsakna: Langh Do Khup.

Ka theihna chiangchiang in sappau a mirror pen ei Paite pau a LIMLANG chi in ana ki gelh gige hi. A style dan a gelh ihih leh thutuam ahi a, Paite literature a bel Limlangh chih om in ka thei kei hi.

Tua ahih manin khangthakten nalh i sak ziak hiam ahih kei leh a kilawm ziakin laigelhdan khek mai lou in, i literature in a zuih dan leh a paipih dan mah paipih sawm leng a hoih ding hi.


Print   Email