Easter - bang a oi Easter?

Easter - bang a oi Easter?

Khovel siamna lam a i khantouh mah bang un sahkhua lam a leng khanlohna poimoh mahmah hi.

Tuni Easter Sunday chi in mun tuamtuam ah Jesu thawhnawnna kipahpihna hun zat ahih toh kiton in, hiai "Easter" ki chi bang a? chih ki dong leng a thei tam hetlou ding ahi.

Bible a bul akipan a tawptan phen leng Easter ki chi kammal muh ding omlou mawk hi, lah Christian te a dia ni poimoh mahmah hizel. Huchi ahih leh Easter ki chi bang a hia, koi a hong kipan hiam chih i sui chiang in Jesu pianma tham a Nimrod zi Ishtar akipan ana himai mah ahi. Ishtar kha goddess of fertility and sex ahi a, fertility etsakna ding in aktui "eggs" ana zang uh hi. Jesu thawhnawnna toh kisai kha mahmah lou ana hi lel tak!

Nimrod sahkhua pen Pagan hi a, Roman ten zui uh hi. Jesu thil hihtheihna hong popular luat tak in Roman ten Christianity hon pom ua Roman Catholic hon phut khia uh hi. Himahleh a tawndan luite uh paih khe vek lou ua, Christian holiday te etsakna Easter Sunday, Christmas chihte ah a tawndan luite uh hon heltel uh ahi.

Protestant te Roman Catholic akipan ana pawt khe mah le uh Roman Catholic te tawndan tampi zui lai veve uh hi.

A thohnawnni celebrate ut i hih leh Roman te pathian min leh tawndan (aktui coloring khawng) telsak se lou in "Resurrection Day" bang chi leng siang ka sa.

Bible mah sim in, Bible mah pansan in i biakna thil hihte uh en chiang thak ding i ki deihsak mahmah ahi. Bible zui dan a iki ngaihtuah lai a, pagan tawndan ana zuizui ihih khak di lauh huai mahmah ahi.

Babylon wine in mi teng khamsak gawp ahih chia, thudik ki gen leh leng nuihzat huai bang maimah kha ding ahi. Nang le hiai thu na sim leh na nuih za sim ding in kon gingta


Print   Email