Gam it na ki chih leh singnou suan in

Gam it na ki chih leh singnou suan in

Zan hal office kai tawp inlam zuan a gari a kong tai phei leh singkung tamna lak ka phak in huih a vot dide a, nuam mahmah hi. Huai mun ka hon pelh phei a singkung omlouhna lak ka hon phak in a huih lum hehu hi.

Hiai in ngaihtuahna poimoh tak hon musak a, Lamka lam a khua lum lua i chihte uh singkung i nak phuk ziak uh leh i kiim-i-kiang a singkung muhdi a tam nawnlouh ziak hi pen dingin gingtakna hon pia ahi.

Scientific deuh in a mawl pen in gen leng, singkungte in huih hoihlou Carbon Dioxide (CO2) te hiipluut ua, huih hoih Oxygen (O2) hon pe khe zel ahi. Oxygen hon pe khe tu ding a tawm chiang in bouruak (atmosphere) hong gik in lum hehu sek hi. Tua banah singkungte in a zung (roots) te uh tungtawn in lei (soil) hihkip ua, lei a dia phatuam nutrients te pe khia uh hi.

I gam i lei iit iki chih leh nang le kei in i hih theih singkung phuk kei ni in, singnou tampi suan ni. I tu-le-ta khangsawnte khualna in ki pan ni.

Lets make Zogam Green!

[written on April 27, 2014]


Print   Email