TUA ZINGKAL (25 June 1997)

TUA ZINGKAL (25 June 1997)

Tua zingkal in naupang te Math hilh in ka om a, dak 7:30am vel in Phailian bazaar lam ah thawm husa ngaihtak ka za ta uhi. Huchi in ka naupangte toh thawm husa ngaikhia in kuamah pau ngam ka om ta kei uhi. Sawt lou nungin nai chik a thau hong ki kap gingpah a, tua phet in ken le ka naupangte inlam pai dingin ka sawl pah hi.

Ka pa zingpawt a hong tun in ka vek un insung kong ka ki kalh khum ua, thumna ka nei uhi. Huchi in thau ging leh mi kikoute husa hong ngaih deuhdeuh a, kou sung kuan teng insung ah aknou akbu sung a ki khum mah bangin, ka dai khipkhiap uhi. Window ah ka va dak khiat leh in ki hal kuangte galmuh ding tam mahmah hi. Thautang ging a ngaih chiang in tuanglai ah ka bok zel uhi.

Ka insak uh lampi ahi a, lampi a pai te kampau chiangtak in ka za thei uhi. Khat in "chi te in zong i hal suh mai ding uha?" chi bangin a ki hou ua, himahleh khat in "ngai lou" a chih ka zak un ka diip uh zang huai hi. Huchi in sawtpi ka om nung un thawm te hong dai mahmah ta hi. Sunnung ahi ta ding a, ka U numei khat in kong hong kiu a, ka hong uhi - "CRPF camp lam ah ka hon zon bawl leh kuamah na om kei ua, bang chi na hi ding uh aw chia pa tau a kong et kiik ahi" a hon chi a. A om dan bel khomi teng CRPF camp lam leh Bungmual lam ah ana tai khe vek dan ana hi uhi. Kou sungkuan kia khosung a om kha kana suak ua, huchi in bitna lamen in ka u zui in CRPF camp lam ah kana tai ta uhi....

(written on 25 June 2014)


Print   Email