Mi nuamsa - tantawk a lungkim

Mi nuamsa - tantawk a lungkim

Khovel a chiamnuih siam leh mi entertain siam a minthang actor Robin Williams zanhal August 11 in honna mualliam san ta hi. Amah hinkhua thei sau kei mahleng, a talent chiamnuih bawl leh lemchiin tungtawn a mi tampi kei tel in hon kipaksak mahmah hi. A sihna ziak news te ah i sim leh amah leh amah kithat a chi ua, hehpih huai leh poi kasak pih mahmah hi. Ama'n khovel entertain a, amah entertain di om lou ahi diam? chih ngaihtuahna bang ka nei hi. Mihing mahni a ki thah chiang un, a taangpi in lungsim gimna nei a hi ut mahmah uhi. Sum le pai chi leng kua mah eng dingin gintak huai kei a, a show leh film te et in mi maitai leh nuamsa ahih mel mahmah mai hi. Himahleh Robin in kua mah phawklouh a lunggimna leh haksatna nei ahi ding a, a hinna ana la ta hi.

Hiai Robin tung a thiltung ka ngaihtuah chiangin eiloi nektawm zong a khosa te - neih khamkham a lungkim taka om a, taksa dam tak, nuamtak a ihmu leh ankam limtak a i om uh man pha ahih dan hon musuah sak thak hi. In sawng thupi taktakte ah teng in, gari thupi taktakte a ki tholh mah le uh, a hinkhua uh nuamsa ana hi khol sese lou uhi. Huchi ahih manin, hinkhua nuam i chih Pathian phawk kawm a tantawk a lungkimna ahi ka chi.


(written on 14 August 2014)


Print   Email