Kipahna.

Kipahna.

Kipahna.

Hinkhua i ngaihtuah chiang in sum tam i neih ziak a nuam ana hi sese lou hi. Kipahna i chih thil neu chikchik khong ana hi zaw daih hi. Na zi hiam na tate hiam in ittak a hon houpih uh sum a leitheihlouh ahi. Sum in in thupi tak ahih kei leh gari thupi tak lei zou mah leh, a sung a omte ki-itna lei theilou hi. Designer puanak silh in, phone mantampen tawi le te le na hinkhua nuam nasak tuan kei leh, hiai thil mantam ten kipahna hon pe tuanlou di ahi.

Nopsakna kipahna ahi diam le? Khamtheih hih ten drug a hih chiang un nuam sa ua, himahleh hiai in kipahna tun lou uh ahi chih i theihsa ahi. Huchi mah bangin bang hiam i va nopsak ziak in hun bangtan hiam a dia kipahna hon tun mahleh, hunsawt a dia kipahna hon tun lou ahi. Etsakna in sex, shopping, zu dawn, a limlim nek chih khong te.

Huchi ahih leh kipahna bang a hi dia? Kipahna i chih na hinkhua a lungkimna ahi pen mai ahi. Na sepkhiak, na thilhih, na thilneihte akipan a lungkimna na muh pen kipahna diktak ahi. Zi leh ta bang le fellou pi neikha le na himai thei, ahia ahihna bangbang ua na pom a na lungkim leh mi kipak na hi ding hi. Sepna bang le mi a toh teh a thupi lua neilou le na hi maithei, ahia na sep bangbang na lungkim leh, a hampha pa - a kipakpa na hi ding hi.

Na mood fluctuate kha maithei, himahleh hiai i gente ah lungkimna na neih leh kipahna na nei gige ding hi. Huai ziakin na kipahna control thei na hi. Na thilhih, na thilneihte ah lungkim dan siam le teh mi kipak na hi ding hi.


Print   Email